Wazazi Arusha wapewa Tahadhari Kipindi cha Sikukuu ya Idd El Hajj

Jeshi la Polisi mkoani hapa linawatakia Heri ya Sikukuu ya Idd El Hajj wananchi wote wa mkoa wa Arusha ambayo itakuwa siku ya Jumatano tarehe 22 Agosti mwaka huu.

Jeshi la Polisi litazidi kuimarisha ulinzi katika maeneo mbalimbali kwa kufanya doria za Miguu, Magari pamoja na Pikipiki ili wananchi washerehekee Sikukuu hiyo kwa Amani na Utulivu.

Aidha linawasihi wazazi au walezi wasiwaache watoto wao watembee barabarani peke yao lakini pia kwenda kuburudika kwenye maeneo ya starehe bila kuwa na uangalizi ili kuepusha ajali au kupotea.

Vile vile limepiga marufuku kumbi zozote za starehe kuwa na Disco Toto isipokuwa kama wahusika watakuwa na kibali maalum. Asanteni sana.