Kigwangala asherehea siku ya kuzaliwa Hospitali, amlilia Hamza Temba

Waziri wa Maliasili na Utalii, Hamis Kigwangala leo anaadhimisha siku yake ya kuzaliwa akiwa Hospitali ya Taifa ya Muhimbili anakotibiwa

Dk Kigwangala, leo Agosti 7, anatimiza miaka 43 ya kuzaliwa kwake

Waziri huyo alipata ajali ya gari Agosti 4 mwaka huu eneo la Magugu, Manyara

Ameandika katika ukurasa wake wa twitter akimshukuru Mungu kwa kufikisha umri huyo

“Leo ninatimiza miaka 43 toka nizaliwe. Ahimidiwe Allah aliye Mkuu kuwa bado nipo hai mpaka sasa. Najua ni kwa utashi na kusudio lake. Namshukuru na nazidi kuomba kwake shufaa, siha na mafanikio tele. Ninawashukuruni nyote kwa dua zenu. Tudumu kwenye sala ndugu zangu.” Ameandika

Pia, ameutumia mtandao huo, kumkumbuka Ofisa Habari wa Wizara yake, Hamza Temba aliyefariki  dunia katika ajali hiyo

“Nimeangalia simu yangu na kukutana na picha za ziara yetu ya PoriKwaPori na ndiyo nauona ukweli kuwa mdogo wangu, bwashee wangu, huyu kijana mdogo mchapa kazi na aliyekuwa na matumaini makubwa, sitamuona tena na kumtania,” ameandika 

Akaongeza: “Niseme nini tena? Qaalu inna lillah wainna ilayhir rajiuun,”