Wazee, walemavu wapewa vitambulisho bima ya afya, kuingia mgodi wa Tanzanite

Wazee 305 na walemavu 24 wa mji mdogo wa Mirerani wilayani 

Simanjiro, wamepatiwa vitambulisho vitakavyowawezesha kupatiwa 

matibabu bure na kuingia ndani ya migodi ya madini ya Tanzanite

Watu hao walikabidhiwa vitambulisho hivyo jana mtaa wa Kazamoyo 

mji mdogo wa Mirerani na mkuu wa wilaya hiyo, Zephania Chaula.

Mwenyekiti wa sauti ya walemavu Mirerani, Robert Songa alisema 

kundi hilo maalumu linapaswa kuangaliwa kwa jicho la huruma kwenye 

sekta mbalimbali 

Songa alisema kupitia vitambulisho hivyo, walemavu hao wataingia 

ndani ya ukuta na kufanya shughuli zao, ikiwamo kuchekecha 

mchanga wakati wa utafutaji wa madini ya Tanzanite

“Mkuu wa wilaya na ofisa madini mkazi Mirerani, Frederick Girenga 

asanteni kwa kufanikisha sisi kupata vitambulisho hivi,” alisema 

Songa

Naye Chaula alisema Serikali inawajali wazee na walemavu ndiyo 

sababu wakawapa kipaumbele kwenye utoaji wa vitambulisho vya 

kupata matibabu bure na kuingia ndani ya ukuta

Chaula alisema hiyo ni awamu ya kwanza, hivi sasa wanajipanga 

kutoe kwa wazee na walemavu wengine ambao hawajavipata.