Halima Mdee 'alipuka' na ATCL Bungeni

Mbunge wa Kawe kupitia CHADEMA Halima James Mdee, amesema kwamba shirika la ndege la Tanzania (ATCL ) halikujipanga kufanya biashara, licha ya kwamba serikali imeshapoteza fedha nyingi na inaendelea kupoteza zaidi kuwekeza kwenye shirika hilo.

Akizungumza Bungeni Halima Mdee amesema kutokana na ripoti iliyotolewa na wenyewe ATCL imesema kampuni hiyo ilikuwa haina mpango wa biashara, lakini serikali imekuwa aikilipa kipaumbele kuendelea kuwekeza pesa, licha ya changamoto nyingi inazopitia ikiwemo na ukosefu wa wataalam.

“Naomba nije suala la kitaifa la ATCL, tunaambiwa kwamba kwa mwaka hu wa fedha serikali inatarajia kununua ndege mpya, hoja sio kupinga ununuzi wa ndege, hoja ni hizi fedha matrilioni ya shilingi, zinaenda kuzalisha au tunaenda kuzitupa chini na zinapotea . Nina taarifa ya msajili wa hazina, ndio amepewa dhamana ya kusimamia mashirika yote Tanzania, anasema kwamba imekuwa vigumu kwa ofisi yangu kufanya uchambuzi wa kina wa utendaji wa ATCL kutokana na kutokuwepo taarifa za kutosha kuhusu kampuni", amesema Halima Mdeee.

Halima Mdee ameendelea kwa kusema kwamba ...”ukija kwenye taarifa yenyewe ya ATCL inasema shirika halikuwa na mpango wa biashara, mwaka 2018/19 tunataka tuwekeze bilioni 495 halafu hatuna mpango wa biashara, unaanzaje bishara halafu hakuna mpango!? Shirika lina madeni Mwenyekiti, shirika halina mpango wa biashara, shirika halina wataalamu, tunaweka trilioni 1”.

Kutokana na hilo Halima Mdee ameitaka serikali kuwa makini kwenye suala la kuwekeza kwenye ATCL, kwani wakigundua wamefanya kinyume na inavyotakiwa itawawajibisha.