KATIKA KUELEKEA SIKU YA WANAWAKE DUNIANI UWT WATOA ELIMU KWA KWA WANAWAKE JINSI WANAVYOWEZA KUPATA MIKOPO YA ASILIMIA 5

Mwenyekiti UWT mkoa wa Arusha Yasmini Bachu akiteta jambo na Bi Mwajuma Salehe mfanyabiashara wa soko la kisongo

Mwenyekiti wa umoja wa jumuiya ya wanawake wa chama cha mapinduzi mkoa wa Arusha Yasmini Bachu akizungumza na akina mama wafanyabiashara katika soko la Kisongo lililopo kata ya mateves

Diwani wa kata ya Mateves Julius Saing”orie akiwa anamuelekeza jambo mfanyabiashara katika soko la kisongo

Mwenyekiti wa uwt mkoa wa Arusha akiwa anaelekeza jambo akiwa namwenyekiti wa uwt wilaya ya Arusha 

Mwenyekiti wa umoja wa jumuiya ya wanawake wa chama cha mapinduzi mkoa wa Arusha Yasmini Bachu amefanya ziara ya kwatembelea akina mama wafanyabiashara katika Soko la Kisongo kata ya Mateves halmashauri ya Arusha ili kusikiliza changamoto wanazopata hasa upande biashara zao wanazofanya kuwapa elimu jinsi ya kupata Mikopo ya serikali inayotolewa na halmashauri.

Lengo kuu la ziara hiyo ni kusikiliza kero na changamoto za kina kwa mama wafanyabiashara ndogondogo kabisa masokoni na minadani ,mbogamboga na mama lishe ambao mitaji yao ni midogo na kuziwasilisha kwa serikalini halmashauri na mamlaka zingine 

Akizunguka sokoni Hapo Bachu amewahoji akina mama wanavyonufaika na mikopo inayotolewa kwenye halmashauri ambayo imetengwa asilimia tano kwa ajili ya Wanawake ili waweze kunufaika kibiashara na kujikwamua kiuchumi.

Bachu amesema ni wajibu wa wao kama viongozi kusimamia na kujua akina mama changamoto wanazopitia kwasababu mtu akiwa kiongozi ni kama sautiya watuwa hali ya chini.

“Leo nimekuja hapa soko la kisongo kuwatembelea akina mama na kuangalia ni jinsi ganmi wananufaika na mikopo kwasababu iko kwa ajili yao asilimia tano na hata kina mama hawa wakijiunga kwenye vikundi vikundi na kujisajili wanapata mkopo ambao una riba nafuu sana tofauti na huko mitaani mama anakopa unakuta mwisho wa siku anashindwa kujiendeleza kwasababu anawaza mkopo lakini akipata asilimia zile tano anachowaza ni ada ya shilingi 40,000 akikamilisha atakuwa ameshanufaika”Alisema Bachu Yasmini

Ameongeza kuwa Elfu 40 ni ada kwa ajili ya kusajili kikundi inalipwa halmashauri, riba ya mkopo ni asilimia 10, masharti ya mikopo ni nafuu sana kwani dhamana ni kikundi chenyewe ili mradi watambulike kwa mtendaji wa kijiji/mtaa/kata na afisa maendeleo ya jamii"Alisema

Yasmini amewashauri wanawake hao kujisajili kwenye vikundi vya pamoja na wajisajili kwa mwenyekiti wa kijiji ili wapate fursa ya mikopo ambayo serikali ya awamu ya tano imeamua kusaidia akina mama hao.

Amewataka watembelee na wahoji kila mara mikopo inapotoka ili asilimia hizo wanufaike nazo kwa kuwa kuna wengi tayari wameshapata mikopo na wamerejesha na wanajitegemea wenyewe.

Hata hivyo amewataka madiwani,watumishi wa serikali,wenyeviti kuendelea kutoa elimu kwa akina mama kwa kuwa kuna wanawake wanahitaji mikopo hiyo lakini bado hawajui ni vipi wataipata na kutumia fursa.

Kwa upande wa akina mama hao wafanyabiashara wamesema kuwa sasa wako tayari kujiunga na vikundi ili kuomba mkopo kwasababu hawakuwa wamepewa elimu kuhusu jinsi ya kupata mikopo kwakuwa baadhi ya watu walikuwa wanawaelekeza tofauti.

“Kweli mimi nauza maziwa hapa kisongo lakini sikuwa ninajua kuhusu hiyo mikopo nilikuwa nasikia tu kwa redio lakini huyu mama alivyofika hapa ametuelewesha vizuri kumbe unalipa shilingi elfu 40 tu ada ambapo mahali kwingine hakuna hiyo na kumbe mashariti ya kurudisha riba ni asilimia kumi mimi sisi kama wamama tutaunda vikundi vyetu”Walisema wamama wafanyabiashara

Pamoja na hayo wanawake hao wameshukuru sana mwenyekiti huyo kwa kuwa tangu waanze kufanya biashara eneo hilo hakuna hata kiongozi ambaye aliwahi kufika sokoni hapo ili kuwajulia jinsi wanavofanya biashara zao pamoja na kupewa elimu ya mikopo.

“Sisi hapa tuna miaka zaidi ya kumi tunafanya biashara zetu hapa ndogondogo lakini hakuna siku kuna kiongozi amekuja hapa kutupa elimu kama huyu Mwenyekiti wa sisi wanawake kwanza tunajivunia sasa mana ni mama mchapa kazi anapenda mafanikio yaw engine sasa leo tungejulia wapi mambo ya mikopo ya kina mama inayotolewa na Magufuli kweli abarikiwe sana nasiisi kwakweli tumepata mkombozi na hiyo mikopo ije tu”Alisema mmoja wa akina mama