NAIBU WAZIRI AAGIZA SHULE YA SCOLASTICA KUBURUZWA MAHAKAMANI

Naibu Waziri Ofisi ya Waziri Mkuu, Sera, Bunge, Kazi, Ajira na Walemavu, Anthony Mavunde ameutaka Mfuko wa Fidia kwa Wafanyakazi (WCF) kuiburuza mahakamani  Shule ya Scolastica na Kampuniya Usafirishaji ya Machare Investment  kutokana na kutojisajili katika mfuko huo.

Mavunde ametoa agizo hilo leo Machi 1, 2018  akiwa katika ziara yake ya kushtukiza na kuwabaini waajiri ambao bado hawajatekeleza takwa lakisheria linalowataka kujisajili katika mfuko huo.

Amesema sheria  ya mfuko huo  kifungu cha 71(4) cha Sheria ya Fidia kwa Wafanyakazi inasema endapo mwajiri akipatikana na hatia adhabuyake ni kulipa faini isiyozidi Sh50 milioni au kifungo cha miakamitano jela au vyote kwa pamoja

“Serikali haitamuonea huruma mwajiri ambaye hatafuata sheria hiyo badala yake itamburuta mahakamani,” amesema

“Serikali imeshatoa matamko mbalimbali yanayowahimiza waajiri kutekeleza takwa hilo la kisheria na leo hii hakuna njia nyingine, waajiri hawa tuliowabaini hapa mkoani Kilimanjaro naagiza WCF iwapeleke mahakamani haraka iwezekanavyo ili sheria ichukue mkondo wake,” amesema.

Mkurugenzi wa Uendeshaji wa mfuko huo, Anslem Peter amesema mkoa huo una waajiri 1,039 na kwamba 525  ndio wamejisajili huku 514 wakiwa hawajajisajili.

Mhasibu wa Shule ya Scolastica, William Mushi amesema walikuwa katika mchakato wa kujadili suala hilo na uongozi wa shule ili wawezekujisajili kwenye mfuko na kuanza kulipia.

Kwa upande wake Mkurugenzi wa Kampuni ya Machare Invest, Henry Mosha amedai tayari wameshajaza fomu na ilibaki hatua ya kwenda kupeleka michangoyao