Mtu wa kwanza kukimbia maili 1 dakika 4 afariki

Bannister (katikati) na Pacesetters Chris Chataway (kulia) na Chris Brasher (kushoto) baada ya kuvunja rekodi hiyo mwaka 1954.

Sir Roger Bannister raia wa Uingereza ambaye ni binadamu wa kwanza kukimbia maili moja chini ya dakika nne, amefariki dunia akiwa na umri wa miaka 88.

Bannister aliweka rekodi hiyo ya kukimbia kwa dakika tatu na sekunde 59.4, katika uwanja wa michezo wa Iffley Road huko Oxford Uingereza Mei 6 mwaka 1954. Wakati anavunja rekodi hiyo alikuwa na siku 46 tu tangu ajiunge na chuo kikuu cha Oxford.

Mwanariadha huyo alikua akifanya mchezo huo kama kitu cha ziada baada ya masomo yake ya udaktari katika Chuo Kikuu cha Oxford, lakini hiyo haikumzuia kufikia rekodi hiyo ya juu katika mchezo wa riadha.

Bannister ambaye pia alishinda medali ya dhahabu katika Michezo ya Jumuiya ya Madola (Commonwealth) ya mwaka 1954, amefariki kwa ugonjwa wa Parkinson ambao ulianza kumsumbua tangu mwaka 2011.

Daktari huyo aliitwa kwenye timu ya taifa ya riadha ya  Uingereza akiwa na miaka 17 na kushiriki michezo ya Olimpiki ya London ya 1948 ambapo pia alifanya vizuri.