Mganga Mkuu Afungia Duka linalouza Dawa za Binadamu kwa kukiuka masharti

Mganga Mkuu wa Jiji la Arusha Dokta Simon Chacha Akikagua leseni ya biashara Duka la Devine

Mganga mkuu wa jiji la Arusha Simon Chacha amelifungia duka la Divine Medics and Cosmets kwa kuchanganya biashara ambapo anauza Dawa za binadamu na viatu vya Yeboyebo jambo ambalo liko kinyume na sheria za afya.

Dokta Chacha amesema kuwa hakuna utaratibu unaoruhusu mfanyabiashara kuchanganya Dawa ambazo wanatumia binadamu kwa afya na humo humo kunauzwa viatu pamoja na Vyombo vya matumizi ya nyumbani.

Amesema Sheria za afya zinaelekeza pale mtu unapopatiwa kibali cha kuuza dawa lakini wengi wao hukiuka maelekezo yaliopo wanafanya wanavyojua wao.

"Anachokifanya siyo sawa na kuna sababu zinazofanya kufungia hii biashara kwanza Anachanganya biashara viatu na vyombo pili anatibu tatu anauza Dawa zisizoruhusiwa kuuzwa na mamlaka husika na nne anapima malaria duka chafu na hafuati miongozo"Alisema Dokta Chacha

Hata hivyo amesema kuwa hakuna kitu ambacho kinatakiwa kuangaliwa kwa umakini kama vitu vinavyotumika kwenye mwili wa binadamu na kila atakayeenda kinyume na sheria walizokubaliana na mamlaka husika.

"Tunachotaka taratibu zifuatwe kwa hawa wenye maduka ya dawa za binadamu kwasababu wanapokosea kumpa mtu dawa bila kibali maalum akipata matatizo sisi wasimamizi tuna yakujibu sasa hatutaki yatokee hayo yote tunachotaka maelekezo yafuatwe tu"Aliongeza Dokta Chacha

Kwa upande wa mmliki wa Duka Hilo lililofungiwa la Divine ameshindwa kutoa majibu sahihi kwanini anauza vitu hivyo kinyume cha utaratibu unaowaongoza.

Mpaka sasa maduka zaidi ya 20 katika jiji la Arusha yamefungiwa kutokana na kutokidhi vigezo pamoja na kwenda kinyume na Miongozo ya wizara ya Afya.