CUF WAISHTAKI CHADEMA KWA MKURUGENZI

Watu wasiojulikana na CUF wamekishtaki CHADEMA kwa Mkurugenzi wa Uchaguzi jimbo la Kinondoni kuwa chama hicho kimekuwa kikiuka utaratibu wa kampeni na kuvunja kanuni na maadili ya uchaguzi, jambo ambalo CHADEMA wamelipinga vikali na kudai ni hujuma.

Mkurungenzi wa Oganezesheni na Mafunzo wa Chama cha Demokrasia na Maendeleo (CHADEMA) Benson Kigaira amesema kuwa matatizo ambayo tayari yamejitokeza kwenye chaguzi mbalimbali toka Serikali ya awamu ya tano imeingia madarakani yameanza kujitokeza tena kwenye jimbo la Kinondoni hivyo wameamua kusema mapema ili wahusika wanaohusika na uchaguzi waweze kuona. 

"Tunadhani Kinondoni inakwenda kuwa na shida kuliko wakati mwingine wowote kwa sababu hiyo tukaona tuzungumze mapema ili kuondoa mambo ambayo yanaweza kupelekea shida kwenye uchaguzi. Nimeona niletea haya mambo muone kwani hawa watu tayari wana nia mbaya kuna barua mbili za malalamiko ya maadili dhidi ya CHADEMA, barua ya kwanza ni kichekesho zaidi kwani maadili wanatakiwa kushtakiana au kutuhumiana ni washiriki wa uchaguzi haiwezekani polisi itatuhumu chama cha siasa dhidi ya maadili na polisi huwezi kuituhumu kwa maadili. Sasa lalamiko la kwanza Mkurugenzi anasema amepokea taarifa kwa mtu asiejulikana kwamba CHADEMA kinavunja kanuni za maadili"

Kigaira aliendelea kusema kuwa "Mkurugenzi anaeleza anasema tarehe 28 Januari mlifanya kampeni nyumba kwa nyumba na maandamano Kigogo kuanzia Mbuyuni mpaka Ronda Bar na aidha anasema maandamano yalifanyika nje ya muda uliopangwa. Kwa barua hii anataka kusema kuwa huyo mtu asiyejulikana maana anasema amepata taarifa lakini sheria inataka kuwe na mlalamikaji, Mkurugenzi anaandaa malalamiko ambayo sio ya kweli ili atoe hukumu yake aliyoiandaa, anasema tar 28/1/2018 tulipaswa kuwa Ndugumbi Kagera Mikoroshini na si Kigogo. Sisi tulikuwa Kigogo kama ratiba inavyoonyesha ambayo pia yeye anayo"