Serikali imesema haina mpango wa kuongeza muda wa zoezi la upigaji chapa kwa ng'ombe wala Punda.

Katibu mkuu wa Wizara ya mifugo Dkt.Mary Mashingo amesema Serikali haina mpango wa kuongeza muda wa zoezi la upigaji chapa kwa ng'ombe wala punda na kuwataka wenye mifugo hiyo kuhakikisha wanafanya hilo ndani ya muda uliowekwa. Katibu mkuu huyo amesema mpaka sasa ng'ombe  milioni kumi na tatu laki tano ,elfu hamsini na moja na hamsini na moja sawa na asilimia 77.9 ya ngo'mbe waliotarajiwa kupigwa chapa tayari wamepigwa chapa

Kwa upande wa punda,Dr.Mashingo amesema mpaka sasa punda  elfu moja mia moja na sabini na nne wamepigwa chapa kati ya punda laki tano ,sabini na mbili elfu mia tatu hamsini na tatu

Mpaka sasa Wilaya ya Mafia iliyopo mkoa wa Pwani ndiyo wilaya pekee ambayo haijaanza zoezi hilo la upigaji chapa linalotarajiwa kufikia tamati tarehe 31 ya mwezi huu