CHADEMA WAFURUSHWA KWA MABOMU YA MACHOZI KWENYE KAMPENI UDIWANI MOROGORO

KAMPENI za udiwani kata ya Kiwanja cha ndege manispaa ya Morogoro zimeingia katika hatu nyingine baada ya jeshi la polisi mkoani hapa kulivulumishia milipuko inayosadikiwa kuwa mabomu ya machozi gari la matangazo la chama cha cha Demokrasia na Maendeleo CHADEMA kisha kupora kompyuta mpakatoa iliyokuwa ikitumika mkurusha matangazo na kutoweka nayo.

Tukio hilo lililojiri jana(januari 13)kuanzia saa 12.30 hadi saa 1.15 jioni mara baada ya mkutano wa kampeni katika mtaa wa Lutogo mjini humo lilisababisha wakazi wa mitaa jirani kujificha majumbani kwa muda huku wengine akiwemo Paulina Samweli(27) kujeruhiwa mguu huo na milipuko hiyo.

“mimi nilikuwa napita zangu kwenda Msamvu mara tukasikia mlio wa bomu sijui kama ni risasi au nini tukageuza kukimbia,muda kidogo mbele akatokea polisi ameshika bunduki na kufyatua kutuelekezea sisi…ukafumuka moshi mwingi miguuni ndio imenibabua hivi mguu wangu wa kulia”alisema Paulina.

Mbunge wa viti maalumu mkoani Morogoro Devotha Minja akiwa ameshika mabaki ya maganda yaliyosadikiwa kuwa ya Mabomu ya machozi alisema kuwa mwendelezo wa serikali ya chama cha Mapinduzi CCM kukandamiza demokrasi kupitia vyombo vya dola hasa jeshi la polisi unaendelea.

“watanzania ni mashuhuda jinsi serikali ya CCM inavyotumia vyombo vya dola kuminya demokrasia nchini kama ambavyo leo imedhihilika jinsi polisi wanavyotumika hata kukiuka makusudi sheria na kanuni za uchaguzi”Alisema Devotha na kuongeza.

“kitendo cha kuzuia Chadema kuwajuza wananchi kesho kitakuwa wapi na kamapeni zake huku CCM ikiachwa kuendelea na matangazo ya aina hiyo hiyo ni ubaguzi zaidi wa rangi wala ukabila”Alisema Devotha.

Devotha alisema wakati kampeni hizo zipo kati kati jeshi la polisi limeanza kutumika na ccm kudhofisha upinzani kwa kuwabebesha makosa mbalimbali likiwemo la shambulio,matumizi ya silaha na kuzuia kujinadi kwa uhuru mbele ya wapiga kura ambao Januari 26 wanataraji kufanya maamuzi ya mwisho kwa kumchagua wanaeona anawafaa.

Mwenyekiti wa baraza la wazazi chadema manispaa hiyo Omary Mvwambo na mratibu wa uchaguzi huo Innocent Zawadi waliitaka tume ya uchaguzi kukaa na jeshi la polisi mkoani morogoro kulielekeza mifumo ya usimamizi wa usalama kwenye mikutano na baada ya kampeni majukwaani.

Kwa upande wake mwanasheria wa Chadema Bathromeo Tarimo alionyesha kushangazwa na nguvu inayotumika na jeshi la polisi dhiidi ya wafuasi wa chama hicho akiobainisha kuwa hali ilivyo ni kama kunaupinzani kati jeshi la polisi na chadema.

“nilisihi jeshi hili hasa kumwelekeza kamanda wa polisi mkoa kufanyua kazi kwa weledi likizingatia sheria,kanuni na taratibu zinazotawala tukio kwa kipindi hicho badala ya kuvamia vamia na kupiga mabomu katika mazingira yenye mchanganyiko wa watu…sasa imekuwa kama ligi kati ya chadema na polisi basi wavue magawanda waje tushindane majukwaani”alishauri Tarimo

Mwanasheria Tarimo alisema mtindo wa jeshi la polisi kuacha kazi yake ya kulinda usalama wa raia na malizao na kuwa sehemu ya washindani katika kinyang’anyilo cha ugombea kisha kutumia mamlaka yake kupora vifaa vya chama kimoja nikosa lisilo faa huku akilitaka jeshi polisi kujirekebisha mapema.

Akizungumzia hali hiyo Kamanda wa polisi mkoani hapa Urlich Matei alikili jeshi hilo kuwapiga mabomu wafuasi wa Chadema ingawa alikana kutowajeruhi watu na kuwa wamenyakua Kompyuta mpakato wanayoishikilia huku akiwataka wafuasi hao kufuata makubaliano waliyoafikiana  kutofanya maanadamano wala mikusanyiko isiyo na tija baada ya muda wa kampeni.

“watalalama sana wanapaswa kubadirika, wanakuwa kama watoto wasio na maadili bwana! Hapa leo tumeongea na kutahadharisha kuwa kuanzia sasa haturuhusu maandamano wala mikusanyiko baada ya muda wa kampeni lakini wao wanatumia sijui kiburi ndi wanaenda kufan ya hay ohayo”alisema kamanda Matei.

Alisema jeshi hilo limejidhatiti kwa nguvu zote kuimarisha usalama wa raia na malizao nakuwa haliko tayari kusikia mtanzania yeyote anabugudhiwa au kudhalilishwa dhii ya lolote hususani kipindi hiki cha uchaguzi.