Waziri Ndalichako aagiza kusimamishwa kazi vigogo Chuo cha Ualimu Morogor

Waziri wa Elimu, Sayansi na Teknolojia Profesa Joyce Ndalichako amemuagiza katibu mkuu wizara hiyo kuwasimamisha kazi wakuu wa idara ya fizikia na kemia wa Chuo cha Ualimu Morogoro

Ametoa uamuzi huo leo Agosti 8 wakati akizungumza na wakufunzi wa chuo hicho kilichopo Morogoro ambapo wakuu hao wanadaiwa kudanganya kuhusu matumizi ya vifaa vya maabara

Ndalichako amesema vifaa hivyo vilipelekwa katika chuo hicho kutoka wizarani

Waliohusishwa na agizo hilo la waziri ni mkuu wa idara ya fizikia, Noel Mgana na mkuu wa idara ya kemia, Josephat Temba ambao walishindwa kumuelezea ukweli kuhusu kutotumika kwa vifaa vingi vya maabara ambavyo vingine vinaelekea kuisha muda wake wa matumizi

Katika hatua nyingine ameagiza ofisa manunuzi wa wizara ya elimu, Audifasy Myonga kusimamishwa kazi kwa kununua vifaa hivyo bila kuuliza mahitaji halisi ya chuo na vifaa vingine kununuliwa kwa gharama kubwa zaidi