Shibuda amtumia salamu Dk Bashiru Ally

Mwenyekiti wa Baraza la vyama vya siasa, John Shibuda amemtaka Katibu Mkuu wa CCM Dk Bashiru Ally kuwakanya baadhi ya watendaji wa serikali wanaosababisha wananchi kumtafsiri vibaya Rais John Magufuli

Shibuda ameyasema hayo leo Agosti 8 alipokuwa akizungumza katika kikao kati ya baraza hilo na vyama vya siasa

Amemwomba mwakilishi wa CCM kwenye kikao hicho akamwambie Dk Bashiru awadhibiti watendaji wa serikali wanaoibua na kuyatenda mambo ambayo hayana ridhaa ya Rais Magufuli

Amesema baadhi ya watendaji hao wamekuwa wakijitafutia umashuhuri wa kisiasa kwa ajili ya kujijengea kile alichokiita umimi na usisi

Amesema wakiondoa jambo hilo watakuwa wanajenga taswira njema kati ya rais na jamii