"Tunafanya makosa sana kudhani sisi wanasiasa ndiyo wenye dhamana ya amanii Kuliko Viongozi wa Dini " -John Kadutu

Mbunge wa Ulyankulu (CCM), John Kadutu amesema wabunge na wanasiasa wengi wanafanya makosa kudhani wao ndio wenye dhamana ya amani ya nchi kuliko viongozi wa dini na kudai kuwa yeye yupo tayari kutofautiana na wanasiasa hao lakini anaamini 2020 watarudi kutaka kuombewa tena na viongozi hao

Kadatu amesema hayo bungeni na kudai kuwa viongozi na wanasiasa hao wanapooambiwa mambo fulani fulani huwa wanafurahia sana lakini wakiguswa mambo yao wanabadilika na kuanza kuwabeza na kuwaadaa viongozi wa dini.

"Suala la amani ndugu wabunge si jambo la kikundi fulani wala si jambo la wabunge pekee yake bali dhamana ya amani ya wananchi na watanzania wote tunafanya makosa sana kudhani sisi wanasiasa ndiyo wenye dhamana ya amani, juzi niseme wazi mimi sikufurahishwa kabisaa na mjadala wa kuwajadili viongozi wa dini sisi ni sehemu yake na wao ni sehemu yetu kila wakati viongozi wa dini wanatuhubiri tuache mambo mabaya mnaambiwa muache kuzini, muache wizi, muache rushwa mnashangilia lakini mkiambiwa jambo linalogusa mambo yenu mengine mnakuja juu, tumerogwa na nani watanzania kudhani kwamba viongozi wa dini wanachosema ni cha uongo, leo unakwenda kanisani unanyenyekea unasali unanyenyekea leo ukiambiwa hili jambo halifai unakuja juu, Watanzania tuache mambo haya" alisisitiza Kadutu 

"Mbona sisi tukifanya haya mambo humu bungeni tunapelekana kwenye Kamati ya Maadili, wapi sasa wao watajadili kwani wao hawana Kamati ya Maadili wao kupitia majukwaa ya makanisa na misikiti ndiyo uongozi tulionao na kila siku tukipata mafanikio tunakwenda kunyenyekea kuombewa, hakuna mtu humu bungeni hajaombewa baada ya kupata ubunge hapa lakini leo tunawabeza viongozi wetu wa dini na mimi nipo tayari kutoelewana na wengine najua 2020 tutakutana huko tukiwaombeeni"