MWIGULU AWATAKA MADEREVA WA BODABODA KUFANYA KAZI KWA HESHIMA

Waziri wa mambo ya ndani Mwigulu Nchemba amewataka madereva bodaboda kote nchini kufanya kazi ya bodaboda kuwa ya heshma kutokana na kazi hiyo kuleta maendeleo makubwa kwa nchi kwa kurahisisha utoaji wa huduma na na upatikanaji wa ajira kwa vijana.

Mwigulu ametoa wito  huo Leo wakati akizungumza na madereva bodaboda Mkoani Arusha baada ya kusikiliza taarifa  ya marejeho ya mkopo wa pikipiki uliotolewa kwa madereva bodaboda wa kata 25 za wilaya ya Arusha.

Amesema kuwa bodaboda ni hatua  kubwa ya mafanikio ya nchi hivyo wanapaswa kujivunia na kufanya shughuli ya heshima na sio shughuli inayofanywa na watu waliokosa kazi za kufanya.

Mkuu wa Mkoa wa Arusha Mrisho  Gambo ameeleza kuwa walifikia utaratibu wa kutoa  bodaboda miambili zenye thamani ya millioni mianne baada ya kuona kuwa madereva bodaboda ni watu ambao  hawawezi kupata fursa za kukopa  kwenye mabenki kutokana na kutokukidhi vigezo na masharti.

Naye Mwenyekiti wa umoja wa madereva wa bodaboda Jiji la Arusha (UBOJA)  Bwana Maulid Makongoro ameeleza  kuwa pikipiki hizo ziligawanywa kwa uwiano sawa kwa kata zote 25 za Jiji la  Arusha ambapo kila kata walipata pikipiki 8 na hadi sasa wamefanya marejesho ya zaidi ya millioni  mia tatu.