Zaidi ya raia 800 kutoka DRC Kongo wawasili kigoma kuomba hifadhi.

Zaidi ya raia 800 kutoka jamhuri ya kidemikrasi ya Kongo wamewasili 

mjini kigoma kuomba hifadhi ya ukimbizi nchini wakidai kukimbia 

vita katika nchi hiyo.

Raia hao wa DRC ambao wengi ni wanawake na watoto wametokea 

mashariki ya nchi hiyo na wamewasili kwa maboti kwa nyakati tofauti 

katika bandari ndogo ya Kibirizi mjini kigoma na kueleza kuwa hali ya 

vita katika nchi hiyo ni mbaya na kuomba serikali ya Tanzania 

kuwapokea.

Mkuu wa mkoa wa Kigoma Brigedia Jenerali Mstaafu Emmanuel 

Maganga akiambatana na kamati ya ulinzi na usalama ya mkoa 

amefika katika eneo hilo na kueleza kuwa wamewapokea lakini 

serikali inafanya tathmini ya ujio wao.