WAZIRI JAFO ATOA MWEZI MMOJA UKAMILISHAJI WA KITUO CHA AFYA KARUME – ROMBO

Waziri wa Nchi Ofisi ya Rais Tawala za Mikao na Serikali za Mitaa Mhe.Selemani Jafo(katikati) akitoa maelekezo katika kituo cha Afya Mikumi baada ya kupokea Taarifa ya Ujenzi.

Waziri wa Nchi Ofisi ya Rais Tawala za Mikao na Serikali za Mitaa Mhe.Selemani Jafo akiendelea na Ukaguzi katika kituo cha Afya Mikumi Wilayani Rombo.

 Hii ni baadhi ya muonekano wa majengo yanayoendelea kujengwa katika Kituo cha Afya Mikumi-Rombo.

                                 Muonekano wa majengo yanayoendelea                        kujengwa katika Kituo cha Afya Mikumi-Rombo.

 Waziri wa Nchi Ofisi ya Rais Tawala za Mikao na Serikali za Mitaa Mhe.Selemani Jafo(katikati)  akipokea Taarifa ya Ujenzi wa miundombinu ya Afya katika Kitoa cha Afya Karume kilichopo Wilayani Rombo

Nteghenjwa Hosseah, TAMISEMI.

Waziri wa Nchi Ofisi ya Rais Tawala za Mikoa na Serikali za Mitaa Mhe.Selemani Jafo ametoa mwezi mmoja kwa Uongozi wa Halmashauri ya Wilaya ya Rombo kukamilisha ujenzi wa kituo cha Afya Karume ambao uko nyuma ya wakati kwa mujibu wa ratiba ya ujenzi wa vituo hivyo ambao unaendelea kote Nchini.

Wakati akikagua Kituo hicho Waziri Jafo amesikitishwa na kasi ndogo ya Ujenzi wa Kituo hicho unaopelekea kuzorotesha malengo ya Serikali ambao umejikita katika Utoa.

Waziri Jafo alisema Kituo hiki kimepokea Fedha za ujenzi tangu mwezi Septemba, 2017 na kilitakiwa kiwe kimekamilisha  ujenzi huu mwishoni mwa Disemba 2017, lakini mpaka sasa ujenzi ndio umefikia kwenye hatua ya Kuezeka.

“Nataka mkajifunze kwa wenzenu ambao walipokea Fedha za Ujenzi sawa na nyie na wamekwishajenga Nyumba ya Mtumishi, Jengo la Maabara, Chumba cha Upasuaji, Wodi ya Kina Mama, Chumba cha kuhifadhia maiti, pamoja na kichomea Taka” Alisema Jafo.

Aliongeza kuwa Kwenye baadhi ya vituo vya Afya wamejitahidi kutumia kwa umakini Fedha hizo  na kuongeza na Njia ya Kutembelea Wagonjwa, wodi ya watoto na kufanya Ukarabati majengo ya zamani kwa gharama hiyo hiyo ya Tsh Mil 500 ambazo nyie mpaka sasa  hamjakamilisha majengo yenu”

Alimalizia kuwa ifikapo Tar. 25 Februari 2018 ujenzi wa miundombinu hii ya kituo cha Afya iwe imekamilika na nipate Taarifa kutoka kwa Mkuu wa Wilaya na ikiwezekana nitapita mwenyewe kuhakiki ubora wake.