TANI ZAIDI YA 50 ZA NYAVU HARAMU ZAKAMATWA KWENYE KIWANDA CHA SUNFLAG ARUSHA NJIRO

Baada ya waziri mwenye dhamana ya mifugo na uvuvi juzi kukamata tani 7 zenye thamani ya shilingi milioni 100 kwenye kiwanda cha Sunflag kilichopo njiro mkoani Arusha leo tena wizara hiyo imekamata tani zaidi ya 50 zenye thamani ya zaidi ya shilingi milioni 300 katika kiwanda hicho.

Akizungumza afisa wa doria katika wizara ya mifugo na uvuvi Bwana West Mbembati amesema kuwa tarehe 17 na 18 walifika kwenye kiwanda hicho na kubaini tani 7 za  nyavu haramu na kiwanda hicho kikapigwa faini lakini walikuwa wameficha nyingine stoo.

Mbembeti amesema kuwa kiwanda hicho kimekwenda kinyume na sheria namba 22 ya mwaka 2003 na kanuni za uvuvi za mwaka 2009 kifungu namba 80.

Hata hivyo ameongeza kuwa wafanyakazi wanaofanya kazi kwenye kiwanda hicho wamekosa uzalendo kwa kuwa wao ndo walikuwa wanazalisha lakini hawatoi taarifa kuhusu nyavu hizo haramu jambo ambalo linasikitisha.

Amesema kuwa tayari wanamsubiri waziri mwenye dhamana ya nifugo na uvuvi Mh Luhaga Mpina kufanya maamuzi baada ya kubaini nyavu hizo.