MAHAKAMA YAMNG’OA RAIS WA KOREA KUSINI

Mahakama ya juu ya kikatiba nchini Korea Kusini imemng’oa madarakani rais wa nchi hiyo Park Geun-hye kwa tuhuma za rushwa. Mahakama hiyo imechukua uamuzi huo baada ya majaji wake wengi kupiga kura za kuunga mkono maamuzi ya bunge la Korea Kusini ya kumng’oa Park, ambaye ni mwanamke wa kwanza kuliongoza taifa hilo.

Park alihusishwa na kujipatia fedha kwa njia za ufisadi kutoka katika makampuni makubwa nchini humo akishirikiana na rafiki yake Choi Soon-Sil. Kufuatia tuhuma hizo, Park huenda akakabiliwa na mashtaka ya uhalifu.

Park mwenye umri wa miaka 64, anakuwa rais wa kwanza kuchaguliwa kidemokrasia Korea Kusini na kuondolewa madarakani, na kuwa rais wa pili kuondolewa madarakani kutokana na tuhuma ambapo mwaka 2004 Rais Roh Moo-hyun aliondolewa madarakani na bunge la nchi hiyo lakini alirudishwa na mahakama miezi miwili baadaye.