MADIWANI 3 HALMASHAURI YA SIHA KUBURUZWA MAHAKAMANI KWA RUSHWA.

Madiwani watatu (CHADEMA)katika halmashauri ya Siha mkoani Kilimanjaro wanatarajiwa kuburuzwa mahakamani kwa kujihusisha na vitendo vya rushwa kwa kuwatetea watumishi wa halmashauri hiyo waliofanya ubadhirifu wa zaidi ya shilingi milioni 60 na kupokea rushwa katika geti ya kupitishia mazao.

Madiwani wa kata hizo (Kirua) Bwana Robert Mrisho Kata ya (Ivaeni) Bwana Eliya Kiwia na diwani wa viti maalum Witnes Riwa wanatuhumiwa kuchukua rushwa kwa watumishi walioibia halmashauri fedha ili kuwatetea katika baraza la madiwani.

Taarifa zinasema kuwa Diwani wa kata ya Kirua Robert mrisho amekuwa akijihusisha na rushwa katika shamba la shule kwa kumtetea ili lirudi mikononi mwake.

Kusaga news ilizungumza na mmoja ya madiwani hao wanaotuhumiwa wa kata Kirua Robert Mrisho amesema kuwa tuhuma hizo siyo za kweli ni uzushi wa watu wachache wanaotaka kuharibu halmashauri hiyo.

Robert amesema hawakujihusisha na lolote na Mamlaka ya Takukuru haijawahi kumuita wala kumchunguza kuhusu tuhuma hizo zinazodaiwa ni za rushwa.

“Kimsingi maamuzi ya baraza la madiwani hayaongozwi na diwani wa kata ya kirua au diwani wa viti maalum bali ni maamuzi baraza zima na baraza la siha limebalance  tulifanya maamuzi ya pamoja sasa hakuna habari ya diwani yoyote anayejusika na kimsingi kuna watumishi walikiri moja kwa moja kwamba walihusika na siyo milioni 60 bali ni milioni 47 ambazo zilipotea kwenye mfumo wa ukusanyaji mapato kwa njia ya Leseni”Alisema diwani Robert

Diwani Robert ameongeza kuwa watumishi walisimamishwa muda mrefu katika mwaka wa fedha 2015-2016 na bado wanachunguzwa kwa mujibu wa taarifa za halmashauri.