Waendesha Bodaboda wawashtaki watekaji kwa Waziri Lugola

Waendesha Bodaboda jijini Arusha wamelalamikia kutekwa na kuuawa wanapokuwa kwenye mazingira ya kazi zao huku wakiiomba Serikali kukomesha mauaji hayo pamoja na kuchukuliwa hatua kwa wale wanaobainika kuhusika na mauaji hayo.

Hayo yamesema na Mwenyekiti wa Waendesha Bodaboda Kata ya Muriet iliyopo mkoani Arusha, AKILI MBAGA mbele ya Waziri wa Mambo ya Ndani ya Nchi, Mh.KANGI LUGOLA wakati wa ziara ya  kikazi katika kituo cha Polisi Muriet ambapo Waziri LUGOLA alipata pia fursa ya kusikiliza kero za wananchi hao

Akijibu swali la Mwenyekiti wa Waendesha Bodaboda Kata ya Muriet, Waziri wa Mambo ya Ndani ya Nchi, Mh.KANGI LUGOLA, katika kudhibiti matukio ya utekwaji na mauaji hayo, ametoa maagizo kwa Inspekta Jenerali wa Jeshi la Polisi kumuandalia takwimu za mauaji hayo ya madereva bodaboda kwa miaka mitano nchi nzima ili Serikali iweze kubaini maeneo sugu ya mauaji hayo na iweze kujipanga kudhibiti mauaji hayo