Serikali yawapatia ajira maelfu ya walimu

Waziri wa Nchi Tawala za mikoa na Serikali za Mitaa Selemani Jaffo leo Julai 17, 2018, jijini Dar es salaam ametangaza kuwapatia ajira walimu waliotuma maombi ya ajira serikalini na kuwataka kufika katika vituo vyao vya kazi kwa tarehe iliyopangwa na serikali.

Waziri Jaffo ametangaza kuwapatia nafasi za ajira maelfu ya walimu katika Ofisi ndogo za Wizara zilizopo Magogoni Dar es salaam ambapo nafasi 4840 kwa walimu wa shule ya za msingi ikiwa ni sehemu ya kibali cha kuajiri walimu 6840.

Akizungumza na waandishi wa habari Waziri Jaffo amesema kuwa kikao cha mei 30, 2018 kilitoa nafasi za ajira kwa kuajiri 4785 kwa walimu wa shule za msingi, 55 mahitaji maalum na 2000 ni walimu wa sekondari wanaofundisha masomo ya sayansi.

Aidha Waziri Jaffo amenukuliwa akisema “Walimu wote waliopatiwa ajira na serikali ni lazima kuripoti moja kwa moja katika vituo walivyopangiwa tarehe 23,July,2018 na wakiwa na vyeti halisi vya tahaluma kidato cha sita/Nne pamoja na vyeti vya ualimu na kuzaliwa,na kwa wale watakaokiuka agizo na kutoripoti katika vituo husika watatolewa katika nafasi hizo”.

Hata hivyo kwa wale watakaoitaji kupata taarifa zaidi kuhusu Orodha ya majina ya Walimu waliopangiwa katika vituo vya kazi kwenye shule za msingi na sekondari yanapatika kwenye Tovuti ya Ofisi ya Rais TAMISEMI www.tamisemi.go.tz.