Polisi Arusha yawashikilia watu 40 kwa matukio yabuhalifu

JESHI la Polisi mkoa wa Arusha linawashikilia watu 40 kwa tuhuma mbalimbali za matukio ya uhalifu mkoani Hapa.

Kamanda wa jeshi la polisi mkoa wa Arusha,Ramadhani,Ng’azi, amesema kuwa watuhumiwa hao wamekamatwa katika maeneo mbalimbali na taratibu zinakamilika ili kuwafikisha mahakamani.

Amesema katika tukio la kwanza jeshi la Polisi limewakamata watu
wawili wakiwa na  kilo 98 za Mirungi wilayani Longido ambazo zilikuwa ziikingizwa nchini .

Katika tukio lingine watuhumiwa wanane wamekamatwa na misokoto 18 ya bangi  kwenye kijiji cha Mto wa Mbu wilayani Monduli.

Kamanda Ng’azi,amesema katika tukio lingine jeshi la polisi limekamata Malori 20 pamoja na madereva wake 20 na wamiliki wa malori hayo wapatao 20 na watafikishwa mahakamani kwa mashitaka ya kutumia vyombo vya usafiri vyenye ubovu.