NEC YASHUGHULIKIA RUFANI ZA WAGOMBEA

TUME ya Taifa ya Uchaguzi (Nec), imesema inazishughulikia rufani za wagombea wa udiwani ambazo mwisho wa kupokelewa ni leo Ijumaa

Akizungumza na Nipashe jana jijini Dar es Salaam, Mkurugenzi wa Uchaguzi, Dk. Athumani Kihamia, alisema Tume inaendelea kuzishughulikia rufani za wagombea wa udiwani zinazoendelea kupokelewa kwenye ofisi hiyo

Gazeti hili lilipotaka kujua idadi kamili ya majina ya wagombea udiwani, Mkurugenzi huyo alisema, “Nipo kikaoni taarifa rasmi bado hadi Nec ishughulikie rufani zilizoletwa, bado tunaendelea kupokea rufani hizi na mwisho wa kuzipokea ni kesho (leo),” alisema

Nipashe ilipotaka kupata idadi ya rufani ambazo zimeshapokelewa, Dk. Kihamia alisema bado zinaendelea kupokelewa

Wakati Tume ikizishughulikia rufani hizo, yamekuwapo malalamiko kwa wagombea kupitia vyama vya upinzani wakidai kuenguliwa kwa sababu mbalimbali