Mwenge watua mkuranga ukikutana na viwanda 56 vinavyofanya kazi

KATIKA kuelekea iliko uchumi wa Tanzania ya Viwanda nchini, wilaya ya Mkuranga iko mbele na imeitikia wito huo ikiwa na kasi kubwa ya kukaribisha wawekezaji wengi

Pia, ni mahali inakopita Barabara ya Kilwa, kuelekea mikoa ya Kusini mwa nchi ambako mtu akipita, haijifichi kuonekana mwitikio wa uwekezaji mkubwa barabarani, viwanda vinavyotengeneza malighafi mbalimbali

Ni siku chache zilizopita akiwa mkoani Pwani katika kuweka jiwe la msingi wa ujenzi wa Chuo cha Chama cha Mapinduzi (CCM), Rais Dk. John Magufuli, alirejea ukweli kuwa Pwani ndio kinara kitaifa kuwa na viwanda vingi vipya.

Hivi karibuni, Mkuu wa Mkoa wa Pwani, Injinia Everist Ndikilo, alipokea Mwenge wa Uhuru ukitokea jijini Dar es Salama, akikabidhiwa na Mkuu wa Mkoa wa Dar es Salaam, Paul Makonda

Injinia Ndikilo, anasema mkoa wa Pwani

pamoja na kuwa na wilaya saba, anapaeleza Mkuranga pamebarikiwa kuwa na viwanda vingi

Anasema kutokana na Tanzania kuwa ya Viwanda, kuna jumla ya vijana 2000 kutoka mkoa wa Pwani, waliopatiwa mafunzo ya kujiandaa kufanya kazi viwandani

Kwa mujibu wa Injinia Ndikilo, asilimia 20 ya wafanyakazi viwanda wanaishi ndani ya mkoa huo, huku kukifanikiwa kuwa na kiwanda cha kuua wadudu kinachotengeneza dawa za kutibu ugonjwa wa malaria

Injinia Ndikilo, aliyekuwa akisoma risala kwa mkimbiza mwenge kitaifa, Charles Kabeho, mara baada ya kuupokea mwenge katika viwanja vya Shule ya Msingi Kiparampakani, Mkuranga anasema kuwa miradi ya maendeleo yenye zaidi ya thamani ya Sh. bilioni 162, itazinduliwa katika mkoani humo

Ndikilo anasema; "Miradi hiyo inatekelezwa na nguvu za wananchi, serikali kuu na wadau wa maendeleo."

Huku akirejea kaulimbiu ya mwenge kitaifa mwaka huu “Mpatie Mwanao Elimu, kwani Elimu ni Ufunguo wa Maisha,’ anafafanua hali ya uandikishaji wanafunzi imeongezeka kutoka watoto 56,000 mwaka 2017 hadi kufikia watoto zaidi ya 300,000 mwaka huu. Ni ongezeko kwa wastani wa zaidi ya asilimia 500

Mkuu wa Mkoa anasema, wamekuwa wakiwajengea uwezo wanafunzi kupenda masomo ya sayansi, kwa lengo la kufanikisha ongezeko la wataalamu wa sayansi

Mkuu wa Wilaya ya Mkuranga, Filbeto Sanga, anasema kuna miradi tisa yenye thamani ya zaidi ya Sh. bilioni 2.6 imezinduliwa Mkuranga na kiongozi wa Mbio za Mwenge

Anasema katika kutekeleza safari kuelekea Tanzania ya Viwanda, Mkuranga imefanikiwa kupata wawekezaji wengi katika sekta ya viwanda

Pia, katika kufikia malengo ya kuwapata wataalamu  kitaifa, shule zimekuwa zikihamasisha wanafunzi kusoma masomo ya sayansi, lengo ni kupata wataalamu katika soko la viwanda

Kwa mujibu wa Ofisa Biashara wa Halmashauri ya Wilaya Mkuranga, Michael Mpupua, wilaya ina viwanda 58 vinavyofanya kazi hadi sasa na kuna

viwanda vitano vilivyopo katika hatua ya kujengwa

Ofisa Elimu ya Msingi, anaeleza kuwa Mkuranga ina shule za msingi 126, 113 za serikali na 33 binafsi

Anasema mwaka huu, kuna wanafunzi 5346 waliandikishwa kujiunga na elimu ya awali, huku elimu ya msingi ikivunja rekodi baada ya wanafunzi 12,443 kuandikishwa kujiunga na darasa la kwanza

Kabeho ambaye ni Mkimbiza Mwenge Kitaifa, anaipongeza Mkuranga, kwa kufanikiwa kuwa na wawekezaji wengi

Hata hivyo, anakumbusha kwamba ili kufanikiwe kuwa na Tanzania ya Viwanda, kuna kila sababu ya kuwahamasisha wanafunzi kujikita katika masomo ya sayansi, lengo ni kufanikisha upatikanaji  wataalamu bora

Pia, kutokana na kaulimbiu ya mwenge kitaifa  inayohimiza elimu, Kabeho anahimiza: "Urithi wa mtoto ni elimu, hivyo ni wajibu kwenu wazazi kuhakikisha elimu mnawapatia watoto kwenu," anasema

Pia, anahimiza miradi ya maendeleo inapaswa kusimamiwa kwa wakati na fedha za miradi zinazotolewa zinapaswa kuendana na miradi halisi

Kabeho anasema kuna baadhi ya halmashauri zinazoshindwa kusimamia miradi yake ya maendeleo, hata ikashindwa kukamilika kwa wakati

lewa na serikali na wadau wa maendeleo, lakini baadhi ya watu sio wa kweli katika kusimamia miradi hiyo,” anasema Kabeho

Anawataka watumishi wa umma kufanya kazi kwa weledi, ili kuwaletea maendeleo wananchi wao, kwani wapo baadhi ambao utendaji wao huendani na kasi ya kiongozi wa nchi, Rais Dk. John Magufuli, ambaye amekuwa akiwataka watendaji hao kutatua kero za wananchi

Kwa mujibu wa Kabeho, Mkuranga ni wilaya ya 121 katika  mzunguko  wa kukimbiza mwenge

Mkuu wa Mkoa wa Dar es Salaam, Paul Makonda, aliyeukabidhi mwenge Mkuranga, anasema mkoa wake umezindua miradi yenye thamani ya Sh. bilioni 32

Akisoma taarifa ya Mkoa wa Dar es Salaam, Makonda anasema kuna miradi miwili yenye thamani ya Sh. milioni 500, ambayo   haikupitiwa na Mwenge wa Uhuru, kwa sababu ya kukosa vigezo stahiki

Makonda anasema kutokana na kaulimbiu ya mwenge, inayozungumzia elimu, rushwa na dawa za kulevya, Dar es Salaam, iko mstari wa mbele kupambana na athari ya dawa za kulevya

Anasema jamii imekuwa ikihamasika na kutoa taarifa kwa watu wanaojihusisha na matumizi ya dawa za kulevya, kwamba kuna vijana kati ya 900 hadi 1000 walioko katika vituo vya ushauri nasaha na kati yao, vijana vijana 300 wameshaanza kupata dawa

Hiyo pia ina athari zake, ikiwa ni nguvu kazi muhimu inayohitajika katika gurudumu la maendeleo kuelekea Tanzania ya Viwanda

 Kuhusu rushwa mkoani kwake, Makonda anasema mapambano yanaendelea na ni jambo linalochangia kurudisha nyuma maendeleo