Hali Duni ya Maisha yasababisha watoto Chini ya Umri wa miaka 18 Kuolewa

IMEBAINIKA kuwa watoto wa kike 36 kati ya 100 huolewa chini ya umri wa miaka 18 nchini Tanzania huku ikichangiwa na sababu mbalimbali ikiwepo hali duni ya umaskini pamoja na tamaa hali inayopelekea kuongezeka kwa matukio ya ukatili dhidi ya watoto.

Hayo yamebainishwa na Mwenyekiti wa mtandao wa kutokomeza ndoa za utotoni  (TECMN) Valerie Msoka alipokua katika mkutano uliowashirikisha wajumbe wa baraza la mahusiano ya dini mbalimbali. 

Amesema kuwa, Licha ya juhudi mbalimbali ambazo wamekua wakizichukua ili kutokomeza tatizo hilo lakini  bado kuna haja ya kurekebishwa sheria ya ndoa ya 1971 kifungu cha (13) (17)  kinchoruhu ndoa chini ya umri wa miaka 18 ambapo imekua ni tatizo kubwa katika kuongezeka kwa vitendo vya ukatili.

Kwa upande wake Mratib wa mtandao huo, Michael Jackson  amesema kuwa,wamekua wakifanya utafiti kwa kushirikiana na wadau mbalimbali wa maendeleo pamoja na kuonesha matamasha mbalimbali ambayo yamekua yakilenga kutoa elimu juu ya athar zinazopatikana kwa ndoa za utotoni.

Aidha amesema kwa majibu wa utafiti uliofanywa na mtandao huo umeonesha kuwa, Tabora kati ya watoto 100 watoto 58 wameolewa chini ya umri wa miaka 18, Shinyanga 59,Mara 55 pamoja na Dodoma 51 hali ambayo hupelekea kuathirika kwa watoto kisaikolojia na kimwili.

Naye Sheikh Hassan Chizenga Katibu wa baraza la ulamaa Bakwata amesema kuwa yeye kwa majibu wa Dini ya Kiislam haoni kama kuna haja ya kubadishwa sheria hiyo kwani mtoto anaruhusika kuolewa baada ya kubaleghe, kama shida ni umri zifungishwe kwa kufuata sheria na utaratib maalum.