Famili ya Akwilina yakaa kikao, Bavicha walalamika

Wakati Kamanda wa Polisi Kanda Maalumu ya Dar es Salaam, Lazaro Mambosasa akisema polisi waliotuhumiwa kuhusika na mauaji ya mwanafunzi wa Chuo cha Usafirishaji (NIT) Akwilina Akwilini wameachiwa huru, familia ya marehemu imeeleza kuwa itatoa tamko baada ya kukaa kikao na kuamua

Akwilina alipigwa risasi kichwani akiwa kwenye daladala wakati viongozi na wanachama wa Chadema wakiandamana kwenda Ofisi ya Mkurugenzi wa Halmashauri ya Kinondoni, Februari 16 mwaka huu

Kaka wa marehemu, Richard Akwilini alisema familia yao itakaa kikao kujadili hatua ya Serikali kuwaachia huru waliotuhumiwa kuhusika na kifo cha ndugu yao

“Ratiba ikienda sawa kama tulivyopanga, tutapata jibu la uhakika baadaye,” alisema Richard

Wakati familia ikisema hayo, Baraza la Vijana la Chadema (Bavicha) wameilalamikia kauli ya Mambosasa ya kuihusisha Chadema na mauaji ya Akwilina.

 Baraza hilo lilisema kauli hiyo inalenga kukiwekea chama hicho vikwazo kwenye uchaguzi mdogo wa Agosti 12