TAKWIMU YA HALI YA UGONJWA WA MALERIA MKOA WA ARUSHA YAPUNGUA

Ugonjwa wa malaria kwa Mkoa wa Arusha umepungua na kuwa chini ya asilimia Moja ambapo kwa mwaka 2017 wagonjwa wamepungua kutoka elfu kumi na tano na mia Moja hamsini hadi kufikia elfu nne  mia tatu  thelathini na tano sawa na punguzo la asilinia 71.

Hayo yamesemwa na mganga Mkuu wa Mkoa wa Arusha DOKTA Timothy Onanji wakati akiongea na waandishi wa habari katika maadhimisho ya Siku ya malaria duniani yaliyofanyika kimkoa sambamba na uzinduzi wa chanjo ya saratani ya mlango wa kizazi ambapo amesema mafanikio hayo yametokana na jitihada zilizofanyika ikiwemo matumizi ya vyandarua pamoja na utokomezaji wa mazalia ya mbu.

Kwa upande wake Mkuu wa Wilaya ya Arusha Fabian Daqquro amesema kuwa mapambano dhidi ya ugonjwa wa malaria bado yanahitajika hasa wakati huu mvua zinapoendelea kunyesha hivyo wananchi wajitahidi kutumia vyandarua pamoja na kuondoa mazalia ya mbu katika maeneo yao.

Naye mratibu wa Malaria Mkoa wa Arusha Dokta  Sixter Komba ameeleza kuwa ugonjwa huo umepungua kutokana na mikakati waliojiwekea ambayo  ni pamoja na upatikanaji wa dawa  mseto, ugawaji wa vyandarua  pamoja na kuuwa  viluilui vya mbu katika wilaya zote saba za Mkoa wa Arusha.

Hata hiyo maadhimisho hayo yamefanyika kitaifa  Mkoani  Kigoma umebeba kauli mbiu isemayo " Niko tayari kutokomeza malaria na wewe je? "