Simba yapigwa onyo kali

Shirikisho la Mpira wa Miguu Tanzania (TFF) limeipa onyo kali vinara wa michuano ya ligi kuu Simba SC kutokana na kitendo chao kuchelewa kufika uwanjani dakika 6 katika mchezo wa namba 191 ulichochezwa dhidi ya Mbeya City kwenye dimba la Taifa Jijini Dar es Salaam Aprili 12, 2018.

Hayo yamebainishwa na taarifa zilizotolewa na Mtendaji mkuu wa Bodi Ligi Boniface Wambura na kusema Kamati ya Usimamizi na Uendeshaji wa Ligi (Kamati ya Saa 72) ya Bodi ya Ligi katika kikao chake kilichopita kiliweza kupitia taarifa na matukio mbalimbali na kukuta baadhi ya vitu vikiwa vimetendeka ndivyo sivyo nakuamua kutoa uamuzi wao.

 

"Kitendo cha Simba ni ukiukaji wa Kanuni ya 14(9) ya Ligi Kuu kuhusu Taratibu za Mchezo wakati adhabu dhidi yao imekijita katika Kanuni ya 14(49) ya Ligi Kuu kuhusu Taratibu za Mchezo", amesema Wambura.

Simba wanatarajiwa kushuka dimbani Aprili 29, 2018 katika dimba la Taifa Jijini Dar es Salaam kuminyana na watani wao jadi Yanga katika michuano ya ligi kuu.