Watu 2 Wafariki Dunia kutokana na Mvua zinazoendelea Kunyesha wilaya ya Lushoto kata ya Lukozi

Vijana 2 wamefariki dunia baada ya kusombwa na mafuriko kutokana na mvua kubwa zinazoendelea kunyesha katika eneo la Manolo Zaghati kata ya Lukozi wilayani Lushoto Mkoani Tanga.

Kusaga News ilimtafuta Mkuu wa Wilaya ya Lushoto Januari Lugangika simu yake haikupokelewa lakini Mbunge wa Jimbo la Mlalo Mh Rashidi Shangazi amesema kuwa mvua hizo zimesababisha uharibifu mkubwa wa Miundo mbinu ya Barabara na Umeme katika jimbo hilo.

Ameongeza kuwa Mvua zimesomba daraja linalounganisha mawasiliano ya jimbo la Mlalo na Jimbo la lushoto katika eneo la Lukozi na kusababisha mawasiliano kukatika kabisa na kuleta usumbufu mkubwa kwa wasafiri na wasafirishaji.

Amesema mvua hiyo imeanza Jana majira ya saa 12:30 Jioni Umeme ulikatika karibia Wilaya nzima baada ya Nguzo zinazopeleka Umeme Lushoto kudondoka katika eneo la Mji mdogo wa Mombo.

Hata hivyo Mbunge Shangazi amewataka wananchi wa jimbo lake kuchukua tahadhari ili kuepuka majanga yanayoweza kujitokeza na ametoa pole kwa maafa hayo yaliyotokea

Jitahidi za kurejesha mawasiliano zinaendelea baada ya kuwasiliana na wakala wa Barabara nchini Tanroads