IDADI YA WALIOFARIKI KUTOKANA NA MAFURIKO KATA YA LUKOZI WILAYANI LUSHOTO YAFIKIA WATU 5

Watu 5 wamefariki dunia katika kata ya Lukozi wilayani Lushoto mkoani Tanga kutokana kusombwa na mafuriko yaliyosababishwa na mvua zilizonyesha siku ya jana

Akizungumza Mwenyekiti wa kamati ya ulinzi na usalama ambaye ni mkuu wa wilaya ya Lushoto Januari Lugangika amethibitisha vifo hivyo na amedai kuwa mvua hizo zimenyesha kwa masaa zaidi ya 2 na kusababisha mafuriko ambayo yamepelekea watu kusombwa na mafuriko hayo.

Amesema kuwa watu wengi wamepata hasara kutokana na mvua hizo kwa kuwa vitu vingi vimesombwa na maji zikiwemo mali kama vile pikipiki ,vyombo vya nyumbani ,mazao na vitalu vya mboga mboga.

Kutokana na hayo amewataka wananchi wanaoishi mabondeni kuhama na mali zao kwa kuwa wataathirika kutokana na mvua hizo ambazo ndiyo kwanza zimeanza wilayani Lushoto.

Lugangika amesema kuwa amewasiliana na watu wa TANROAD ili kurudisha haraka mawasiliano ya barabara ziliharibika na madaraja ambayo kwasasa hayapitiki.