Watu 16 wauawa Kanisani kwa kupigwa na radi Rwanda

Watu 16 wamepoteza maisha nchini Rwanda baada ya kupigwa na radi wakiwa kanisani.

Kwa ujumla radi iliwapiga watu 48 waliokuwa katika kanisa la Waadvantisti katika wilaya ya Nyaruguru iliyo Kusini mwa nchi hiyo, jana Jumamosi.

Watu wote 140 waliokuwa katika kanisa hilo walipelekwa hospitali, lakini wengi waliruhusiwa kurudi nyumbani, isipokuwa watatu ambao bado wako katika hali mahututi.

Meya wa wilaya ya Nyaruguru Habitegeko Francois, amesema kuwa siku moja kabla, Ijumaa, Radi nyingine ilikuwa imepiga kundi la wanafunzi 18 katika wilaya hiyo, na kuuwa mmoja wao.