Watanzania Tuzaane tu maana mnapokuwa wengi mnakuwa na sauti- Rais Magufuli

Rais wa Jamhuri ya Muungano wa Tanzania, Dkt. John Pombe Magufuli amekiri kuwa wingi wa watanzania waliopo nchini ni sauti tosha ambayo inaweza kufanya mambo ya kimaendeleo katika sehemu mbalimbali bila ya kuwekewa vizuizi.

Dkt. Magufuli ametoa kauli hiyo leo (Machi 14, 2018) wakati alipokuwa anaweka jiwe la msingi msingi wa ajili ya ujenzi wa reli ya kisasa ya 'Standard Gauge' katika eneo la Ihumwa, Dodoma na kuwataka watanzania waendelee kuzaana zaidi ili wazidi kuchapa kazi nchini.

"Tanzania tuna bahati sana kutokana na ukubwa wa nchi yetu, hivi karibuni tumeambiwa tumefika milioni 55. Wapo waliosema kwanini milioni 55 tunazana mno, mimi nasema tuzaane zaidi kwa maana mnapokuwa wengi mnakuwa na sauti hata kwenye 'block' mlizonazo. Idadi ya watu wetu ni sauti tosha katika Jumuiya ya Afrika Mashariki tunachotakiwa ni sisi watanzania tuchape kazi", amesema Rais Magufuli.

Pamoja na hayo, Dkt. Magufuli ameendelea kwa kusema "suala sio kuwa wengi ila ni namna gani watanzania waliokuwa wengi watashiriki katika kuleta maendeleo ya nchi yao. Nchi ya Denmark ina watu milioni 5 lakini kwasababu ya uchapakazi wao wamekuwa wakitoa msaada mpaka kwenye nchi kama Tanzania yenye watu milioni 55". 

Kwa upande mwingine, Rais Dkt. Magufuli amewataka watu wafanye kazi wasibabiike na uwingi wao kwa maana hata kama wangekuwa wapo jumla ya watu milioni 1 halafu hawafanyi kazi basi wataendelea kulia tu suala la njaa pamoja na vyuma kubana.