Uingereza kuiuzia Saudia ndege za kivita 48

Uingereza imesaini mkataba wa awali wa mabilioni ya dola wa kuiuzia Saudi Arabia ndege za kivita 48 aina ya Eurofighter Typhoon.

Mkataba huo ulisainiwa mnamo siku ya tatu na ya mwisho ya ziara ya Mwanamfalme wa Saudi Mohammed bin Salman nchini Uingereza.

Kampuni ya kutengeneza vifaa vya kijeshi ya BAE Systems imesema katika taarifa kuwa mpango huo utaisaidia Saudi Arabia kulifanya jeshi lake kuwa la kisasa zaidi chini ya mpango wa kiuchumi wa nchi hiyo unaofahamika kama 'Maono ya 2030':