JUMUIYA YA WAZAZI CCM ARUSHA RUDIENI MAJUKUMU YENU YA MWANZO YA KURUDISHA MAADILI

 Mwenyekiti wa jumuiya ya wazazi mkoa wa Arusha Bwana John Palangyo amewataka wazazi kurudia majukumu yao ya awali ambayo tangu jumuiya hiyo inaundwa ilikuwepo kwa lengo la kulinda maadili pamoja na kusimamia malezi, mazingira na Elimu katika jamii.

Pallangyo amesema hayo katika hafla fupi ya kupokelewa na jumuiya ya wazazi katika wilaya ya Arusha Mjini ambayo ilifanyika katika ukumbi wa CCM mkoa wa Arusha ambapo jumuiya kutoka kata zote 25 za jiji la Arusha zilishiriki.

                      

Amesema kuwa kwasababu ya utandawazi uliopo kwasasa jamii tayari imeshasahau elimu ya malezi hivyo wenye jukumu la kurudisha maadili hayo katika jamii ni wazazi wote ambao hawapendezwi na mmomonyoko wa maadili katika jamii.

Ameongeza kuwa elimu ya kidunia imeongeza maadili mabaya ambayo hatujawahi kuwa nayo kama watanzania licha ya kuwa kipindi cha nyuma jumuiya hiyo ilijisahau kiasi kwamba inajukumu la kusimamia maadili lakini sasa wameanza kurudi kwenye mstari.

Naye Mjumbe wa baraza kuu taifa  Arusha Victor Mollel amesema maadili ya vijana yanapoharibika ni kwamba jumuiya ya wazazi imeshindwa kuwajibika ni vyema wakaanza kushughilika mana kila mzazi ana jukumu hilo.

Kwa upande wa Katibu wa wazazi wilaya ya Arusha Mjini Christopher Pallangyo amesema katika kusimamia hilo suala la maadili wanatarajia kufanya kongamano maalum tarehe 17 mwezi huu kwa lengo la kujadili suala la mmomonyoko wa maadili kwa vijana na kuweka maazimio.