LIVERPOOL YARUDISHA HESHIMA ILIYOPOTEA KWA MIAKA 30

Hatimaye klabu ya Liverpool itakabidhiwa kombe la ligi kuu ya England EPL leo usiku kwenye mchezo wao dhidi ya Chelsea katika dimba la Anfield ukiwa ni mchezo wao wa mwisho katika uwanja wao wa nyumbani msimu huu.

Ni ubingwa wa kwanza wa EPL kwa Liverpool baada ya kipindi cha takribani miaka 30 na ni kwa mara ya kwanza wanatwaa taji hili la ligi kuu yani premier League.

Mara ya mwisho majogoo hao wa jiji kuchukua taji la ligi ilikua mwaka 1990 ambapo mashindano yalikua katika mfumo wa daraja la kwanza yani first Divison, kabla ya mfumo kubadilika mwaka 1992 na kuwa Ligi kuu.

Jordan Harnderson ,nahodha wa kwanza wa Liverpool atakayeingia kwenye vitabu vya kumbukumbu na ndie atakae kabidhiwa kombe hilo na anakuwa nahodha wa 10 katika historia ya Liverpool kufanya hivyo.

Manahodha waliowahi kunyanyua makwapa kwa kubeba taji la ligi wakiwa na Liverpool ni Graeme Souness, Phil Thompson, Emlyn Hughes, Tommy Smith, Ron Yeats, Willie Fagan, Donald McKinlay na Alex Raisbeck .

Licha ya kupita vizazi vyenye vipaji vya aina yake,kama nahodha Steven Gerlad,Jammie Callagher,Michae Owen,Robbie Fowler ,David Ginola,Luis Suarez,Sammi Hypia,Milan Baros ,hao ni baadhi tu ,lakini EPL ilikua mtihani uliowashinda kabisa.

Makocha bora wakiwemo akina Rafael Benitez enzi hizo,Brendan Rodgers, lakini Liverpool iliishia kutwaa mataji mengine,lakini hili la EPL ilishindikana.

Ndio maana Jurgen Klopp atapata heshima kubwa kutoka kwa mashabiki wa Liverpool popote duniani kutokana na kurejesha heshima yao iliyopoteza kwa takribani miaka 30 iliyopita.

Liverpool watatamani kukabidhiwa ubingwa huo kwa matokeo ya ushindi dhidi ya Chelsea ambao waliipa ubingwa Liverpool zikiwa zimebaki mechi saba baada kabla ya ligi kumalizika kwa kuifunga Manchester city ambao walikuwa wapinzani wa karibu wa Liverpool kwenye mbio za ubingwa.

Lakini Chelsea nao wanamahitaji makubwa ya alama zote 3 kuliko sherehe za ubibngwa za Liverpool kwani wao bado wapo kwenye vita ya kupambana kualiza katika nafasi 4 za juu ili kujihakikishia nafasi ya kucheza klabu bingwa ulaya msimu ujao.

Chelsea wapo nafasi ya 3 kwenye msimamo na alama zao 63 ikiwa ni tofauti ya alama 1 tu na Lecester city na Manchester United walio nafasi ya 4 na 5 ambapo mashetani wekundu usiku huu wapo kibaruani kuikabili West Ham United.

Msimu huu Liverpool hawajapoteza mchezo katika uwanja wao wa kwenye EPL katika michezo 18 wameshinda michezo 17 na wamesare mchezo 1.