Wizi muda wa maongezi wamkera waziri

Waziri wa Ujenzi, Uchukuzi na Mawasiliano, Isack Kamwelwe ametoa siku 30 kwa kampuni ya simu ya Vodacom kwa kushirikiana na Mamlaka ya Mawasiliano Tanzania (TCRA) kutoa suluhisho la wizi wa mtandao kwa wateja wake

Kamwelwe alitoa agizo hilo jana alipotembelea ofisi za TCRA ikiwa ni mara ya kwanza tangu alipohamishiwa wizara hiyo Julai mosi katika mabadiliko ya Baraza la Mawaziri yaliyofanywa na Rais John Magufuli. 

Katika ziara TCRA, waziri alishuhudia makabidhiano ya leseni ya masafa ya 700MHZ kwa kampuni ya Vodacom

Waziri alisema ni lazima Vodacom kwa kushirikiana na TCRA wakae na kutafakari suala la wizi wa fedha kwenye laini za simu kwa kuwa wao ndio wanaotakiwa kufahamu ni kwa nini wateja wanaibiwa

Kamwelwe alisema kabla hawajaweka sheria itakayowalazimu kurudisha fedha za mteja itakayoibwa, lazima wakae kuangalia watu hao kama ni wafanyakazi waliofukuzwa

Naye mkurugenzi mkuu wa TCRA, James Kilaba alisema ili kuhakikisha malengo na faida za mnada zinafikiwa wameweka masharti yanayotakiwa kufuatwa.