Mkurugenzi Ngorongoro akasirishwa na Ukeketaji

Waandishi wa habari wa vyombo vya habari kutoka mikoa 4 ambayo inavitendo vya ukeketaji wakiwa katika semina iliyaondaliwa na UNESCO wakimsikiliza afisa mradi wa Unesco Rose Mwalongo

Baadhi ya akina mama wa jamii ya kimasai wakiwa katika ukumbi wa halmashauri ya Ngorongoro kwenye semina iliyoandaliwa na shirika la umoja wa mataifa la Elimu Sayansi na Utamaduni (UNESCO) kuhusu kupinga suala la Ukeketaji.

Mratibu wa huduma za mama na mtoto Anna Masago akitoa elimu katika semina iliyoshirikisha waandishi wa habari,malaigwanan,watumishi wa ustawi wa jamii na mangariba iliyoandaliwa na Shiriika la UNESCO

Mkurugenzi wa Halmashauri ya Ngorongoro Raphael Siumbu akizungumza na washirikia ambao wameshiriki katika semina ya kupinga vitendo vya ukeketaji ambao hawapo katika picha

Na Alphonce Kusaga

Mkurugenzi wa Halmashauri ya Ngorongoro Raphael Siumbu amesema watu wanaoweza kuwafanya wananchi kuacha mila potofu ikiwemo ukeketaji ni wanasiasa lakini hawafanyi hivyo kwa kuhofia kutopata kura.

Akizungumza na waandishi wa habari,malaigwanani,waganga wa jadi na mangariba katika semina iliyoandaliwa na shirika la Unesco Siumbu amesema kuwa wanasiasa wengi wanashindwa kuionya jamii ili kuachana na mila potofu kwasababu ya kuhofia nafasi zao za uongozi.

Amesema mila potofu hasa ukatili wa kijinsia umekuwa tatizo kwa jamii ya kifugaji ikiwemo wilaya hiyo ya ngorongoro ambayo tatizo hilo pia limepelekea kutokuwa na maendeleo kuanzia ngazi ya kijiji mpaka wilaya.

“Kwahiyo kama 2016 tulikuwa na asilimia 66 na 2017 tuna asilimia 81 na mpaka sasa tuna asilimia 86 mpaka hivi tunavyozungumza ,kwahiyo tunapanda hivyo mpaka tutafika mahali ambao woote watakuwa wamekeketwa hii ni hali mbaya kwa hiyo moja ya viashiria moja wapo vya maendeleo ni ukeketaji na Tuko nyuma sana na hii inatokana na mawazo potofu wala si kitu kingine na watu wengine wa kutusadia haya ni wanasiasa wanaotokana na jamii yenyewe lakini swali la kujiuliza wamefanya nini kututoa hapa kwa hiyo kila siku hatushughulikii ishu za maendeleo bali ni migogoro tuu tunashughulikia watu hebu tushirikiane hapa”Amesema Mkurugenzi Siumbu

Naye mwenyekiti wa malaigwanan wilaya ya Ngorongoro Mzee Joseph Tiripai amesema kuwa suala la ukeketaji anbayo ni mila potofu kwa jamii hiyo ambayo wanaipinga ili zisiendelee na mwenye nafasi kubwa ya kuondoa imani hizo ni jamii yenyewe kuamua na kukubali pamoja na wadau wamaendeleo kuingilia kati.

Mzee Tiripai ameeleza kuwa ametembelea vijiji vya Ukuyan,Sukenya na soitisambu lakini katika maeneo hayo wameogopa kukeketa kwa kuwa maeshaona ni jambo ambalo lina madhara makubwa katika ukuaji wa mwanamke.

Katika taarifa yake Mratibu wa huduma za mama na mtoto Anna Masego amesema wanawake 10 wa jamii ya kifugaji wilayani ngorongoro mkoani Arusha wamefariki dunia katika robo ya mwaka kuanzia mwezi januari mpaka march kutokana na ukeketaji unafanyika kwa siri wilayani humo.