Majaliwa watanzania jiepusheni na vitendo au-kauli za kuvunja-amani

Waziri Mkuu Mhe Kassim Majaliwa amewataka Watanzania kujiepusha na vitenda au kauli zinazoweza kusababisha  uvunjifu wa amani miongoni mwa Watanzania

Akizungumza katika Mashindano ya kuhifadhi Quraan yaliyohusisha nchini mbalimbali, Mhe Majaliwa amewataka kuwapuuza wale watu wanaowapuuza  watu wanaounga mkono jitihada za serikali katika kulinda amani na kuleta maendeleo ya Watanzania

Awali akizungumza na maelfu ya waislamu walihudhuria mashindano hayo  Sheikh Mkuu wa Tanzania Mufti Abubakar Bin Zuber Bin Ali amewataka waislamu kote nchini kujenga umoja wenye mshikamano utakaosaidia kuleta maendeleo ya dini ya kiislamu,waumini wake na taifa kwa ujumla

Wakizungumzia mashindanio hayo, baadhi ya waislamu waliofika katika uwanja wa taifa wamepongeza  jitihada zinazofanywa katika kuawezesha vijana wa kiislamu kuhifadhi Quraan hatua itakayosaidia kuwa na taifa linamcha mungu na kuondokana na vitendo vya ukiukwaji wa maadili

Zaidi ya nchi 18 zimehudhuria mashindano hayo wakiwemo pia viongozi mbalimbali wa serikali, Makamu wa Rais Mstaafu Daktari Mohammed Ghalib Bilal,baadhi ya viongozi wa vyama vya siasa akiwemo Katibu mkuu wa CCM Bwana Abdulrahman Kinana.