Madiwani wawatimua kazi watumishi wanane

Madiwani wa Halmashauri ya Wilaya ya Sumbawanga mkoani Rukwa wamewafukuza kazi  watumishi wanane  wa halmashauri hiyo kutokana na madai mbalimbali ikiwamo ya utoro kazini

Madiwani hao walifikia uamuzi hayo leo Mei 29 wakati wa kikao cha baraza la madiwani

Kikao hicho kilitoa tamko ambalo lilisomwa na Mwenyekiti wa Halmashauri ya Sumbawanga , Kalolo Ntilia 

Akisoma tamko hilo, Ntilia aliwataja watumishi waliofukuzwa kazi kwa utoro kuwa ni pamoja na John Chiza , Mfamasia,  Ignas Mdigange, tabibu  na  Aisha Hida muhudumu wa afya

Muuguzi, Charles Joseph  amefukuzwa kazi kwa kosa la kutotii maagizo ya mwajiri wake na  mwingine aliyekumba na panga hilo ni mhudumu wa afya, Omari Komba

Nicas Kalolo  ,Kaimu Mtendaji wa Kata  yeye ameadhibiwa kwa kushushwa ngazi ya mshahara  kutokana na utovu wa nidhamu, Gasper Gembe , Ofisa Mtendaji wa Kijiji amepewa onyo kali  na kuamriwa kurejesha Sh 755,000/- alizozitumia bila idhini ya mwajiri wake 

Katika hatua nyingine; Mkurugenzi mtendaji wa halmashauri hiyo, Nyangi Msemakweli amewaagiza watendaji wa vijiji kuwakamata na kuwafikisha mahakamani wazazi 150 ambao watoto wao wameshindwa kujiunga na elimu ya sekondari tangu walipofaulu, Januari mwaka huu