Atakaye hujumu juhudi za Serikali wananchi wakose maji kukiona.

Waziri wa Maji na Umwagiliaji, Mhandisi ISACK KAMWELWE amesema serikali haitamvumilia mtendaji wa serikali na mtu yeyote atakaye kwamisha na kuhujumu juhudi za serikali ya kuhakikisha wananchi wanapata maji safi na salama kwa kuwa baadhi ya watumishi inadaiwa wamekuwa wakipokea rushwa na kufifisha juhudi hizo

Mhandisi KAMWELWE ametoa kauli hiyo alipokuwa akizundua bodi mpya ya Mamlaka ya Maji Jiji la Arusha, baada ya kuivunja bodi ya awali kwa madai ya kushindwa kutekeleza ipasavyo majukumu yake

Mkuu wa Mkoa wa Arusha, Bwana MRISHO GAMBO amesema maji ni moja ya tatizo kubwa kwa Mkoa wa Arusha na serikali imewekeza fedha nyingi kuondoa tatizo hilo hivyo hawatavumilia aina yoyote ya ufujaji wa miradi ya maji inayotekelezwa

Mwenyekiti mpya wa bodi hiyo, Mhandisi RICHARD MASIKA amesema bodi yake itafanyakazi kwa weledi wa hali ya juu na hakuna kitakacho kwenda kinyume na matarajio