Raisi wa Uganda na Kenya Wasaini mkataba

Serikali ya Uganda imesaini makubaliano na nchi jirani ya Kenya ya kuiuzia tani laki sita za mahindi kila mwaka, hatua ambayo inatoa uhakika wa soko kwa wakulima wa mahindi wa Uganda ambao kwa miaka mingi wamehangaika kuuza mahindi ya ziada.

Kwa mujibu wa Mwenyekiti wa Baraza la Nafaka la Uganda, Chris Kaijuka, bado shehena kubwa ya mahindi inasafirishwa kwenda katika nchi mbalimbali bila kibali maalum ikiwemo Rwanda, Sudan na Kenya.

Imebainika kuwa Uganda huzalisha takriban tani milioni nne za mahindi kwa mwaka, ambapo kiasi kidogo sana hutumika nchini humo huku 80% yakisafirishwa kama nafaka kwenda kwenye masoko ya Kikanda.

Mmoja wa wasafirishaji wa mahindi kutoka Uganda, Haji Abudalla Kamira, amesema chini ya makubaliano hayo sasa tani moja ya mahindi itauzwa kwa dola za Kimarekani 225 katika soko la Kenya