Mwakyembe awaonya maafisa habari

Waziri wa Habari habari,sanaa, utamaduni na michezo Dk.Herson  Mwakyembe amewataka maafisa habari  nchini kutekeleza majukumu yao kwa mujibu  wa sheria,kanuni na utaratibu ili kuonesha  weledi wakazi zao.

Akifungua kikao kazi cha 14 cha maafisa habari, mawasiliano na mahusiano, mkoani Arusha Jana Dk. Mwakyembe   alitoa maagizo kwa maafisa hao kuwa baada ya mkutano huo unaotarajiwa kudumu kwa siku tano kumalizika ni wajibu wa kila mshiriki kufanya kazi kwa mujibu  wa sheria ambapo alisema watakaokiuka hatua za kisheria  zitafuata.

Alisema kuwa wapo maafisa habari  wazembe wasiojishughulisha na kutafuta habari za wizara, taasisi  na kusubiri hadi taasisi itangaze kuwepo kwa mkutano, ziara na mambo kama hayo jambo alilosema ni uzembe na kudhalilisha taaluma huku akiwataka  kwenda na wakati kutoa habari za taasisi,Halmashauri kila Mara ili kuhabarisha umma na serikali kwa ujumla.

"Kama kuna maafisa habari wanaokaa ofisini kusubiri hadi itokee  mkutano au ziara bila wao kutafuta habari za wizara husika basi ni tatizo na tutawahesabu kama maafisa habari hewa" alisema mwakyembe.

Aliwataka pia kujenga ushirikiano mzuri baina  yao na vyombo vya habari v ilivyo wazunguka ili kuhakikisha taarifa zinafikia umma ambapo alisema siyo kila taarifa ni taarifa ya kutoa bali  zile zilizosahihi ambapo ushirikiano kati ya vyombo vya  habari na Maafisa hao utafanya  kufikisha taarifa sahihi.

  Alizitaka wizara, Halmashauri, pamoja na taasisi  kuwapatia vifaa vya kazi  maafisa habari ili waweze kutekeleza majukumu kwa urahisi ambapo alisema kama wizara au taasisi haziwapatii vifaa  hiyo ni changamoto na taasisi, wizara hizo zitakuwa tatizo.

Aliongeza kuwa Halmashauri ambazo hazina maafisa habari hazitavumilika kwa kipindi cha utawala huu kwa kuwa kila jambo linatakiwa kufanyika kimkakati  ili kufikia uchumi wa viwanda.

Naye mwenyekiti wa chama cha maafis mawasiliano serikalini (TAGCO) Pascal Shelutete alisema lengo la  kuanzishwa kwa Chama hicho ni pamoja na kuhakikisha inaendeleza tasnia ya mawasiliano katika weledi unaotakiwa  kwa wanatasnia wote kutoka serikali kuu hadi serikali za mitaa.

Kwa upande wa mwakilishi wa Umoja wa mataifa  Alvaro Rodriguez alisema  Umoja wa mataifa unapenda kuwa washirika wa serikali katika mawasiliano ya maendeleo nchini kwa kuwa nao ni watumishi wa umma.

Hata hivyo kauli mbiu ya mkutano huo wa maafisa habari,mawasiliano,Mahusiano na itifaki ni ' Je Mawasiliano ya kimkakati yanachangiza vipi Tanzania ya viwanda'

Mwishooo.