MADAKTARI 500 CANADA WAPINGA ONGEZEKO LA MISHAHARA

DUNIANI kuna mambo; wakati kwingineko duniani wafanyakazi mbalimbali huwa wanaandaa migomo na maandamano kulalamikia mishahara yao midogo wanayopata, nchini Canada ni kinyume chake.

Madaktari zaidi ya 500 pamoja na wakazi na wanafunzi wa utabibu zaidi ya 150 wametia saini barua ya wazi wakipinga malipo makubwa wanayolipwa.

“Sisi madaktari wa Quebec ambao tunaamini katika mfumo imara wa umma, tunapinga ongezko la hivi karibuni la mishahara iliyoidhinshwa baada ya majadiliano na shirikisho letu la matibabu,” inasema taarifa hiyo.

Sababu za kupinga

Kundi hili la madaktari wamesema wamekosewa kwamba watakuwa wanapokea nyongeza wakati manesi na wagonjwa watakuwa wanahangaika.

“Nyongeza hizi ni za kushangaza zaidi kwa sababu wauguzi wetu, makarani na wataalamu wengine wanakabiliwa na hali ngumu sana ya kufanya kazi wakati wagonjwa wetu wanakosa huduma zinazohitajika kwa sababu ya punguzo kubwa katika miaka ya hivi karibuni na mamlaka yote kulimbikizwa katika Wizara ya Afya,” inasomeka  barua hiyo iliyochapishwa Februari 25.

“Kitu pekee kwenye mfuko ambacho kinaonekana kina kinga ya punguzo ni marupurupu yetu,” barua hiyo inasema.

Canada ina mfumo wa afya ya umma ambao hutoa matibabu ya jumla ya huduma ya afya za lazima zinazohitajika kwa misingi ya uhitaji badala ya uwezo wa kulipa.”madaktari 213 wa kawaida na madaktari bingwa 184 na madaktari wakazi 149 na wanafunzi wa udaktari 162 wanataka pesa zilizotengwa kwa ajili ya nyongeza ya mishahara irejeshwe kwenye mfuko.

“Tunaamaini kwamba kuna njia ya kugawa tena rasilimali za mfuko wa afya wa Quebec ili kukuza idadi ya watu na kukidhi mahitaji ya wagonjwa bila  kuwasukuma wafanyakazi hadi mwisho,” barua hiyo ilisema.

“Sisi madaktari wa Quebec  tunaomba kwamba  ongezeko la mishahara  lililotolewa kwa madaktari  lifutwe na kwamba rasilimali za mfuko zisambazwe kwa ubora zaidi kwa manufaa ya wafanyakazi wa huduma za afya zinazostahili watu wa Quebec.”

Mishahara yao

Daktari nchini Canada analipwa na Wizara ya Afya Dola za Marekani 211,717 sawa na Dola 339,000 za Canada kwa huduma za kliniki kwa mwaka kwa mujibu wa ripoti kutoka Taasisi ya Habari za Afya ya Canada iliyochapishwa Septemba 2017.

Kwa wastani daktari wa familia analipwa Dola za Marekani 211,717 sawa na Dola za Canada 275,000 kwa ajili ya huduma za kliniki na mtaalamu wa upasuaji hulipwa Dola za Marekani 354,915 sawa na Dola za Canada 461,000.

Mei, 2016 daktari mmoja aliweka mchanganuo wa gharama za kuitunza familia yake na ingawa alipokea Dola Marekani 321,033 sawa na Dola za Canada 300,000 alisaliwa na Dola 136,906 sawa na Dola za Canada 177,876.