Mtekaji watoto Arusha, Geita anaswa.

Polisi Mkoani Geita wanamshikilia  kijana Samson Petro (18) mkazi wa Katoro wilayani Geita mkoani hapa Kwa tuhuma za kuteka watoto katika mikoa ya Arusha na Geita

Kijana huyo amekamatwa usiku wa Septemba 2 ,saa mbili usiku katika nyumba ya kulala wageni ya Shitungulu iliyopo mji mdogo wa Katoro

Kamanda wa polisi mkoani humo ,Mponjoli  Mwabulambo amethibitisha kukamatwa Kwa kijana huyo na kusema polisi linaendelea na uchunguzi na utakapokamilika atafikishwa mahakamani

Hivi karibuni jeshi la polisi mkoani Arusha lilitoa taarifa za kijana ajulikanae kwa Jina la Samsoni Petro ambaye alitoroka baada polisi kuguundua kuwa ndiye mhusika wa matukio ya utekaji Arusha ambapo watoto wawili Morin na Ikram Bado hawajapatikana.