Baraza la Wafugaji Ngorongoro lafanya marekebisho ya Katiba

Baraza la wafugaji katika mamlaka ya hifadhi ngorongoro limefanya mkutano kwa ajili ya kufanya marekebisho katiba inayoendana na kipindi cha sasa  baada ya kutumia katiba ya muda mrefu ambayo haikuwa imeshirikisha maoni ya wanachi.

Akizungumza Mwenyekiti wa baraza la wafugaji Wilayani Ngorongoro Bwana Edward Maura amesema lengo la kubadili katiba ni kwasababu tangu mamlaka hiyo ianzishwe mwaka 2000 mamlaka haijawahi kufanya marekebisho yeyote.

Maura amesema katiba ya zamani ina mapungufu kwasababu ilikuwa inataja idadi ya vijiji  ambavyo vinatakiwa kushiriki kwenye baraza lakini kwa mujibu wa sheria za mitaa vijiji vimekuwa vikiongezeka hivyo kuna baadhi ya vijiji vilivyopo ambavyo viko ndani ya mamlaka na havishiriki katika mbaraza.

Amesema wanatafuta katiba ambayo inaendana na serikali ya awamu ya tano na itakayokidhi mahitaji ya watu bila kuathiri uwepo wa baraza na kupunguza garama za uendeshaji ili fedha ziende kwa walengwa maskini ambao ndiyo wanaolengwa na serikali.

Maura amesema katiba ambayo walikuwa wanaitumia tangu mwaka 2000 ilikuwa haijashirikisha maoni ya wananchi lakini ambayo kwasasa wanaifanyia marekebisho itakuwa imefanya inamgusa moja kwa moja wananchi.

Akitoa maoni yake mjumbe wa baraza la Wafugaji ambaye pia ni mbunge wa Ngorongoro Mh William Olenasha amesema kuwa kupitia mabadiliko hayo ya katiba itakuwa na msaada mkubwa kwasababu imeshirikisha wananchi ambao ndiyo walengwa.

Olenasha amesema kuwa baraza la wafugaji linatakiwa kuwa chachu ya kusaidia maendeleo kwa jamii na kulinda vyanzo vikuu vya kiuchumi kwa wenyeji kama ufugaji wa asili ikiwemo mila na Desturi zilizopo.

Baadhi ya wajumbe wakichangia katika mkutano huo wamesema kuwa kuwepo kwa mabadiliko ya katiba itakuwa ndiyo kiunganishi kikubwa kati ya wananchi ambao ndiyo wanatakiwa kunufaiki na mamlaka kwasababu wako ndani ya mamlaka ya Hifadhi.

Wamesema kuwa kupitia katiba hiyo kutasaidia kuangalia walipo toka na wanapokwenda kwa kulinda misingi iliyoainishwa kisheria na mamlaka ya hifadhi bila kuathiri wananchi wa hali ya chini.