Ukosefu wa ajira Ujerumani ni kashfa kwa serikali

Uchumi wa Ujerumani unazidi kuimarika lakini takwimu mpya zilizotolewa na ofisi ya kazi ya shirikisho iliyogusiwa bungeni na chama cha mrengo wa kushoto Die Linke zinaonesha kwamba kuna watu 153,950 ambao bado wanaishi bila ajira kwa kipindi cha alau miaka mitano.

Mbunge wa chama hicho Sabine Zimmermman ameitaja hali hiyo nchini Ujerumani kuwa ni kashfa kubwa.Mnamo mwezi Januari idadi ya watu waliokuwa hawana ajira kwa zaidi ya mwaka mmoja ilikuwa zaidi ya watu 868,000.

Kwa mujibu wa kiongoni wa vyama vya CDU/CSU bungeni Volker Kauder, serikali mpya ya muungano nchini Ujerumani kati ya vyama vya Social Democratic SPD na vyama ndugu vya Christian Democratic Union CDU na Christian Social Union CSU inataka kuweka mbele masuala ya muda mrefu ya ukosefu wa ajira akisema kwamba ukosefu wa ajira ni changamoto kubwa.